2015 jylǵy 27 aqpan, Astana qalasy
Balyq aýlaý qaǵıdalaryn bekitý týraly
«Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 57) tarmaqshasyna sáıkes buıyramyn:
1. Qosa berilip otyrǵan Balyq aýlaý qaǵıdalary bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda jarııalanýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstrdiń mindetin atqarýshy S.OMAROV
Qazaqstan Respýblıkasy Aýyl sharýashylyǵy mınıstriniń mindetin atqarýshynyń
2015 jylǵy 27 aqpandaǵy №18-04/148 buıryǵymen bekitilgen
Balyq aýlaý qaǵıdalary
1. Jalpy erejeler
1. Osy Balyq aýlaý qaǵıdalary «Janýarlar dúnıesin qorǵaý, ósimin molaıtý jáne paıdalaný týraly» Qazaqstan Respýblıkasynyń 2004 jylǵy 9 shildedegi Zańynyń 9-baby 1-tarmaǵynyń 57) tarmaqshasyna sáıkes (budan ári – Zań) ázirlendi jáne balyq sharýashylyǵy sý aıdyndarynda jáne (nemese) ýchaskelerinde jeke jáne zańdy tulǵalarmen kásipshilik balyq aýlaýdy, áýesqoılyq (sporttyq) balyq aýlaýdy, ǵylymı-zertteý úshin aýlaýdy, baqylaý úshin aýlaýdy, melıoratıvtik aýlaýdy, ósimdi molaıtý maqsatyndaǵy aýlaýdy jáne eksperımenttik aýlaýdy uıymdastyrý men júrgizý tártibin retteıdi.
2. Osy Balyq aýlaý qaǵıdalarynyń qoldanysy balyq jáne basqa sý janýarlaryn jasandy ósirýge qoldanylatyn sý aıdyndarynan basqa Qazaqstan Respýblıkasynyń barlyq balyq sharýashylyǵy sý aıdyndaryna jáne (nemese) ýchaskelerine, balyq resýrstaryn jáne basqa da sý janýarlaryn aýlaý, ósirý jáne kóbeıtý úshin paıdalanylatyn ne olardyń qorlarynyń ósimin molaıtý úshin mańyzy bar sý aıdyndary ne olardyń bólikteri (ózender jáne olarǵa teńestirilgen kanaldar, kólder, sýly-batpaqty alqaptar, sý qoımalary, toǵandar jáne basqa da ishki sý aıdyndary, aýmaqtyq sýlar), sondaı-aq teńiz sýlaryna taratylady.
3. Zańdy tulǵa mártebesi bar erekshe qorǵalatyn tabıǵı aýmaqtardyń quramyna kiretin sý aıdyndarynda balyq aýlaý «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańymen retteledi.
4. Osy Balyq aýlaý qaǵıdalarynda mynadaı negizgi uǵymdar paıdalanylady:
1) anshlag – ósimdi molaıtý ýchaskeleri men tynyshtyq aımaqtarynyń, balyq sharýashylyǵy sý aıdyndarynyń jáne (nemese) ýchaskeleriniń ataýy men shekaralaryn, sondaı-aq balyq aýlaýǵa tyıym salynǵan merzimder men oryndardy kórsetetin mańdaısha jazý;
2) balyq sharýashylyǵy sý aıdyndarynyń jáne (nemese) ýchaskeleriniń rezervtik qory – janýarlar dúnıesin paıdalanýshylarǵa bekitilip berilmegen balyq sharýashylyǵy sý aıdyndary jáne (nemese) ýchaskeleri;
3) balyq aýlaý – balyq resýrstaryn jáne basqa da sý janýarlaryn aýlaý;
4) balyq aýlaýshy – áýesqoılyq (sporttyq) balyq aýlaý quqyǵyn alǵan jeke tulǵa;
5) balyqtardyń kóbeıý kezeńi – belgili bir balyq túriniń ýyldyryq shashatyn ýaqyt kezeńi;
6) balyqtardyń qyrylýy – balyq resýrstarynyń jáne basqa da sý janýarlarynyń sý aıdynynyń jáne (nemese) ýchaskesiniń gıdrohımııalyq jáne ózge de rejıminiń buzylýynan týyndaǵan jappaı qyrylýy;
7) balyqtyń qyrylý qaýpi bar sý aıdyny jáne (nemese) ýchaskesi – balyq sharýashylyǵynyń balyq álsin-álsin qyrylýǵa ushyraıtyn sý aıdyny jáne (nemese) ýchaskesi;
8) balyq resýrstary jáne basqa da sý janýarlary – sýly ortada mekendeıtin barlyq janýarlardyń jalpy jıyntyǵy;
9) balyq sharýashylyǵy sýbektisi – qyzmetiniń negizgi baǵyty balyq sharýashylyǵyn júrgizý bolyp tabylatyn jeke jáne zańdy tulǵa;
10) balyqshy – bekitilip berilgen balyq sharýashylyǵy sý aıdyndarynda jáne (nemese) ýchaskelerinde óziniń eńbek mindettemelerine qaraı balyq resýrstaryn jáne basqa da sý janýarlaryn aýlaýdy júzege asyratyn balyq sharýashylyǵy sýbektisiniń qyzmetkeri;
11) janýarlar dúnıesin paıdalanýǵa arnalǵan ruqsat – jeke jáne zańdy tulǵalarǵa janýarlar dúnıesin paıdalanýǵa, sondaı-aq janýarlar dúnıesiniń ustap alynǵan obektilerin, olardyń bólikteri men derıvattaryn, onyń ishinde ańshylyq jáne balyq aýlaý oljalaryn áketýge jáne ótkizýge quqyq beretin, (normatıvtik quqyqtyq aktilerin memlekettik tirkeý tiziminde № 10168 tirkelgen) Qazaqstan Respýblıkasy Aýyl sharýashylyǵy mınıstriniń m.a. 2014 jylǵy 19 jeltoqsandaǵy № 18-04/675 «Janýarlar dúnıesin paıdalanýǵa ruqsattar berý qaǵıdalaryn bekitý týraly» buıryǵymen belgilengen nysan boıynsha qujat;
12) janýarlar dúnıesin paıdalanýshylar – Zańǵa sáıkes janýarlar dúnıesin paıdalaný quqyǵy berilgen jeke jáne zańdy tulǵalar;
13) joldama – bekitilip berilgen balyq sharýashylyǵy sý aıdyndaryna jáne (nemese) ýchaskelerine janýarlar dúnıesi obektilerin ustap alý maqsatynda barý úshin jeke tulǵaǵa beriletin qujat (birjolǵy nemese maýsymdyq);
14) kezdeısoq aýlanym – ruqsattarda kórsetilmegen balyqtar men basqa da sý janýarlary túrleriniń dara nusqalary jáne (nemese) belgilengen kásipshilik mólsherden kishirek balyq túsetin aýlanymnyń bir bóligi;
15) qoryqshylyq qyzmet – Zańnyń 9-baby 1-tarmaǵynyń 66) tarmaqshasyna sáıkes balyq sharýashylyǵy sýbektileriniń bekitilip berilgen balyq sharýashylyǵy sý aıdyndarynda jáne (nemese) ýchaskelerinde janýarlar dúnıesin qorǵaý fýnksııalaryn júzege asyratyn qurylymdyq bólimshesi;
16) qystaý shuńqyry – qysqy kezeńde balyqtardyń sý aıdyny túbiniń shuńqyrlarynda jappaı jınaqtalatyn orny;
17) balyqtardyń óris aýdarýy – balyqtardyń bir mekendeý ortasynan ekinshi ortaǵa jappaı aýysýy;
18) ýyldyryq shashý – balyqtardyń jetilgen ýyldyryqty shashý prosesi jáne onyń keıinnen uryqtanýy;
19) rekreasıalyq balyq aýlaý aımaǵy – Zańnyń 10-baby 2-tarmaǵynyń 5-8) tarmaqshasyna sáıkes áýesqoılyq (sporttyq) balyq aýlaýdy júzege asyrý úshin jergilikti atqarýshy organ belgilengen tártippen aıqyndaıtyn balyq sharýashylyǵy sý aıdynynyń jáne (nemese) ýchaskesiniń jáne oǵan irgeles jaǵalaý beldeýiniń ýchaskesi;
20) uıyq (uıyqtyq ýchaske) – sý aıdynynyń jáne oǵan irgeles jaǵalaý beldeýiniń shekteýli sý akvatorııasy bar, ózenniń jáne ózge de aǵyndy sý aıdynynyń kásipshilik balyq aýlaý muqtajyna arnalyp, beıimdelgen ýchaskesi;
21) balyq sharýashylyǵy – Zańnyń 9-baby 1-tarmaǵynyń 26) tarmaqshasyna sáıkes balyq resýrstaryn jáne basqa da sý janýarlaryn qorǵaýmen, ósimin molaıtýmen, akvaósirýmen, balyq ósirýmen, balyq aýlaýmen, sondaı-aq qaıta óńdeýmen jáne ótkizýmen baılanysty sharýashylyq qyzmet túri;
22) balyqtyń kásipshilik mólsheri – tumsyǵynyń ushynan quıryq qanatynyń ortalyq jaryqshaǵy negizine deıin ólshenetin (aýzy jabyq kezde) aýlaýǵa jol beriletin balyq ólshemi;
23) shaıandardyń kásipshilik mólsheri – kóziniń ortasynan quıryq tilimshesiniń aıaǵyna deıin ólshenetin aýlaýǵa jol beriletin shaıandardyń ólshemi;
24) ýákiletti organ – Qazaqstan Respýblıkasy Aýyl sharýashylyǵy mınıstrligi;
25) vedomstvo – Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti;
26) aýmaqtyq bólimsheler – Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń oblystyq aýmaqtyq orman sharýashylyǵy jáne janýarlar dúnıesi ınspeksııalary.
2. Balyq aýlaý tártibi
5. Balyq resýrstaryn jáne basqa da sý janýarlaryn paıdalaný jalpy jáne arnaıy paıdalaný tártibimen júzege asyrylady.
Janýarlar dúnıesin jalpy paıdalanýǵa janýarlar dúnıesi obektilerin, sondaı-aq olardyń paıdaly qasıetterin mekendeıtin ortasynan almaı paıdalaný jatady.
Janýarlar dúnıesin arnaıy paıdalanýǵa janýarlar dúnıesi obektilerin jáne olardyń tirshilik etý ónimderin mekendeıtin ortasynan alý arqyly paıdalaný jatady.
Balyq resýrstaryn jáne basqa da sý janýarlaryn jalpy paıdalaný aqysyz, al janýarlar dúnıesin arnaıy paıdalaný «Salyq jáne bıýdjetke tólenetin basqa da mindetti tólemder týraly (Salyq kodeksi)» Qazaqstan Respýblıkasynyń 2008 jylǵy 10 jeltoqsandaǵy Kodeksiniń 501-babyna sáıkes (budan ári – Salyq kodeksi) aqyly negizde júzege asyrylady.
6. Balyq aýlaý mynadaı túrlerge bólinedi:
1) kásipshilik balyq aýlaý;
2) áýesqoılyq (sporttyq) balyq aýlaý;
3) ǵylymı-zertteý úshin aýlaý;
4) baqylaý úshin aýlaý;
5) melıorasııalyq aýlaý;
6) ósimin molaıtý maqsatynda aýlaý;
7) eksperımenttik aýlaý.
7. Balyq aýlaý qoldanýǵa ruqsat etilgen kásipshilik jáne kásipshilik emes balyq aýlaý quraldarynyń túrleri men tásilderiniń tizbesine (budan ári – tizbe) kirgizilgen balyq aýlaý quraldarymen, tásildermen jáne ádistermen (normatıvtik quqyqtyq aktilerin memlekettik tirkeý tiziminde № 10266 tirkelgen) «Qoldanýǵa ruqsat etilgen kásipshilik jáne kásipshilik emes balyq aýlaý quraldarynyń túrleri men tásilderiniń tizbesin bekitý týraly» Qazaqstan Respýblıkasy Aýyl sharýashylyǵ mınıstriniń 2015 jylǵy 16 qańtardaǵy № 18-04/17 buıryǵyna sáıkes júzege asyrylady.
8. Balyq resýrstary men basqa da sý janýarlarynyń kásipshilik mólsheri osy Balyq aýlaý qaǵıdalarynyń qosymshasyna sáıkes belgilenedi. Uıashyqtalatyn aýlaý quraldarynda aýlanǵan balyqtyń segiz paıyzdan jáne súzgish aýlaý quraldarynda bes paıyzdan aspaıtyn kólemde, ruqsatta kórsetilmegen jáne (nemese) belgilengen kásipshilik ólshemnen kem balyq túrleri men basqa da sý janýarlarynyń kezdeısoq aýlanýyna jol beriledi.
Kezdeısoq aýlanatyn balyq kólemi asyp ketken jaǵdaıda, barlyq aýlanǵan balyq kidirissiz tabıǵı mekendeý ortasyna az zaqymsyz jiberilip (normatıvtik quqyqtyq aktilerin memlekettik tirkeý tiziminde № 7573 tirkelgen) «Anshlagtarynyń úlgilerin jáne ańshylyq sharýashylyqtar, ósimin molaıtý ýchaskeleri men tynyshtyq aımaqtary, balyq sharýashylyǵy sý aıdyndarynyń jáne (nemese) ýchaskeleriniń shekaralaryn, sondaı-aq ań aýlaý men balyq aýlaý úshin tyıym salynǵan merzimder men oryndardy, balyq resýrstaryn jáne basqa da sý janýarlaryn aýlaýdy esepke alý jýrnalynyń (kásipshilik jýrnaldyń) nysanyn bekitý týraly» Qazaqstan Respýblıkasy Aýyl sharýashylyǵy mınıstriniń 2012 jylǵy 13 naýryzdaǵy № 25-03-02/96 buıryǵymen bekitilgen nysanǵa sáıkes balyq resýrstaryn jáne basqa da sý janýarlaryn aýlaýdy esepke alý jýrnalyna (kásipshilik jýrnalyna) (budan ári – kásipshilik jýrnal) tıisti jazba engiziledi.
Bekire tuqymdas balyqtar kezdeısoq aýlanǵan jaǵdaıda tirshilik etýge qabiletti dara nusqalary – tabıǵı mekendeý ortasyna jiberilýge, al tirshilik etýge qabiletsiz (óli) dara nusqalary óteýsiz negizde memlekettik monopolııa sýbektisine tapsyrylýǵa tıis.
Bekire tuqymdas balyq túrleriniń tirshilik etýge qabiletsiz (shalajansar) daraqtarynyń kezdeısoq aýlaný faktileri kásipshilik jýrnalda nemese ruqsatta nemese joldamada tirkeledi jáne óteýsiz negizde janýarlar dúnıesin qorǵaý, ósimin molaıtý jáne paıdalaný salasyndaǵy memlekettik monopolııa sýbektisine tapsyrylýy tıis.
Baǵaly, sırek jáne quryp ketý qaýpi tóngen balyq túrleri jáne basqa da sý janýarlarynyń tirshilik etýge qabiletsiz (shalajansar) daraqtarynyń kezdeısoq aýlaný faktileri kásipshilik jýrnalda nemese ruqsatta nemese joldamada tirkeledi jáne kómý arqyly joıylýǵa jatady.
Kásipshilik emes mólsherdegi kezdeısoq aýlanatyn shaıandar aıyrmaı paıdalaný arqyly júzege asyrylady. Kásipshilik emes mólsherdegi shaıandar balyq aýlaý quraldaryna túsken jaǵdaıda kidirissiz tabıǵı mekendeý ortasyna az zaqymsyz jiberilýi qajet.
9. Zańnyń 39-babynyń 5-tarmaǵyna sáıkes myna jaǵdaılarda:
1) bógetterdiń, shlıýzderdiń jáne kópirlerdiń janynda, kólderdi ózara jáne negizgi ózenmen jalǵastyratyn tarmaqtarda, melıorasııalyq júıelerdiń jetkizý arnalary men burmalarda, ózender men arnalardyń saǵalary sý aıdynnyń quıatyn tusynan eki jaǵyndaǵy 500 metrdegi qashyqtyqta jáne sý aıdynynyń 500 metr ishki qashyqtyqta, sondaı-aq ózen nemese arnanyń aǵysymen joǵarǵy qaraı 1500 metr qashyqtyqtaǵy aralyǵynda;
2) osy Balyq aýlaý qaǵıdalarynda kózdelmegen balyq aýlaý quraldarymen;
3) tıisti ǵylymı uıymdar bergen, memlekettik ekologııalyq saraptamaǵa jatatyn bıologııalyq negizdemeniń negizinde ýákiletti organ belgileıtin merzimderde jáne oryndarda qysqy kezeńde balyqtardyń qystaıtyn shuńqyrlarynda, ýyldyryq shashý kezinde ýyldyryq shashatyn jerlerde jáne ózge de ýchaskelerde;
4) Qazaqstan Respýblıkasynyń «Ishki sý kóligi týraly» Qazaqstan Respýblıkasynyń 2004 jylǵy 6 shildedegi Zańymen belgilengen tártippen tirkelmegen jáne tirkeý nómirleri kórsetilmegen júzý quraldarymen;
5) balyq aýlaý quqyǵyn beretin ruqsatqa sáıkes uıymnyń ataýy jáne balyq aýlaý quraldarynyń parametrleri kórsetilgen japsyrmalary joq balyq aýlaý quraldarymen;
6) teńizde jáne ózenderde bekire balyqtardy aýlaýǵa arnalǵan qurylǵan aýlaý quraldarymen;
7) alkogolden nemese esirtkiden masań bolý nemese ózge túrde ýlaný jaǵdaılarynda;
8) osy Balyq aýlaý qaǵıdalarymen, shekteýlermen jáne tyıymdarmen jol berilmeıtin tásildermen;
9) aýlaý quraldary ózenniń nemese ózen tarmaǵy eniniń úshten ekiden astamyn qamtyp;
10) qurmaly aýlaý quraldaryn shahmattyq tártippen, venterler men sekretterdi ózender men bastaýlardyń, quıatyn kanaldardyń saǵasynan bes júz metr radıýsta ornatýmen;
11) kásipshilik balyq aýlaýdy júzege asyrý kezinde bógetterden, shlıýzder men kópirlerden bes júz metrden jaqyn qashyqtyqta;
12) tıisti ǵylymı uıymdar bergen, memlekettik ekologııalyq saraptamaǵa jatatyn bıologııalyq negizdemeniń negizinde ýákiletti organ belgileıtin oryndarda jáne merzimderde balyq resýrstarynyń jáne basqa da sý janýarlarynyń kóbeıýi kezeńinde olardyń shoǵyrlaný oryndary men óristeý joldarynda;
13) jarylǵysh qurylǵylardy, hımııalyq jáne ýly zattardy, sondaı-aq atys qarýyn paıdalanýmen;
14) ýákiletti organnyń ruqsatynsyz tizbege engizilmegen balyq aýlaý quraldarynyń túrleri men tásilderin qoldanýmen balyq aýlaýǵa jol berilmeıdi.
10. Zańnyń 14-babynyń 3-tarmaǵyna jáne 39-babynyń 4-tarmaǵyna sáıkes balyq sharýashylyǵy sý aıdyndarynda jáne (nemese) ýchaskelerinde janýarlar dúnıesi obektilerin saqtaý maqsatynda:
1) ósimdikterdi joıýǵa jáne janýarlar mekendeıtin ortanyń jaǵdaılaryn nasharlatatyn ózge de is-áreketterge;
2) ushaqtardyń, tikushaqtardyń jáne ózge de ushý apparattarynyń ıtbalyqtar jappaı mekendeıtin aýmaqtardyń ústinen bir kılometr tómen bıiktikte ushyp ótýine;
3) sırek kezdesetin jáne quryp ketýi qaýpi tóngen janýarlar túrlerin jáne olardyń derıvattaryn Qazaqstan Respýblıkasy Úkimetiniń sheshiminsiz alýǵa;
4) janýarlar dúnıesi obektilerin belgilengen lımıtten asyryp jáne ruqsatta kórsetilgen merzimnen tys, sondaı-aq tynyshtyq aımaqtarynda aýlaýǵa;
5) balyq qystaıtyn shuńqyrlardyń, ýyldyryq shashatyn jerlerdiń, balyq sharýashylyǵy ýchaskeleriniń jáne balyq aýlaýǵa tyıym salynǵan jerlerdiń shekaralaryn belgileıtin baǵandardy, júzbeli tanym belgilerin jáne anshlagtardy joıýǵa nemese búldirýge;
6) eldi mekenderdiń, balyq qabyldaý pýnktteriniń janyna bakender ornatý úshin, aıaldaýdy jáne asa qajet jaǵdaıdy qospaǵanda, balyq aýlaýǵa tyıym salynǵan jerlerde sý kóliginiń toqtaýyna;
7) balyq aýlaıtyn túrli quraldardy bir balyq sharýashylyǵy sý aıdyndarynan jáne (nemese) ýchaskelerinen basqalaryna arnaıy óńdeýsiz aparýǵa;
8) jergilikti atqarýshy organnyń ruqsatynsyz ózenderde jańa balyq sharýashylyǵy ýchaskelerin, uıyqtardy (uıyqtyq ýchaskelerdi), aǵyzý jáne júzý joldaryn ashýǵa;
9) sý toǵandarynda nemese oǵan tikeleı jaqyn jerde osy Balyq aýlaý qaǵıdalarynda qoldaný kózdelmegen balyq aýlaý quraldarymen bolýǵa;
10) balyqtardy noqtalarynda saqtaýǵa, júzý quraldarynan jáne balyq aýlaý quraldarynan shyqqan óli jáne aýrý balyqty sýǵa jáne jaǵalaý beldeýine laqtyryp tastaýǵa;
11) osy Balyq aýlaý qaǵıdalarynda belgilengen kásipshilik sharalardan kem balyq aýlaýǵa, qabyldaýǵa, satýǵa jáne saqtaýǵa;
12) jeke jáne zańdy tulǵalarǵa túrin kórsetpesten nemese «basqa» jáne «maıda» degen ataýmen tapsyrýdy jáne qabyldaýdy júzege asyrýǵa;
13) eki jáne odan da kóp aýmen (qulyptaýdaǵy) súzýdi bir mezgilde júrgizýge, sondaı-aq aldyńǵy aýdy jaǵalaýǵa tolyq laqtyrǵanǵa deıin aýdy súzýdi bastaýǵa;
14) balyq sharýashylyǵy sý aıdyndarynda jáne (nemese) ýchaskelerinde balyq aýlaýǵa tyıym salynǵan kezeńde, sondaı-aq balyq aýlaýǵa tyıym salynǵan jerlerde aýmaqtyq bólimsheniń kelisýsiz dvıgatelderi qosylǵan sý kóliginiń barlyq túrleriniń júrýine jol berilmeıdi.
3. Kásipshilik balyq aýlaý tártibi
11. Kásipshilik balyq aýlaý – balyq resýrstary men basqa da sý janýarlaryn bir mezgilde kóp mólsherde aýlaýǵa múmkindik beretin jáne (nemese) sý aıdynynyń (kásipshilik aýlaý quraldarymen) bir bóligin qamtıtyn, bólip turatyn aýlaý quraldarymen mekendeý ortasynan balyq resýrstaryn jáne basqa da sý janýarlaryn alyp qoıýdy qamtamasyz etetin keshendi prosess.
12. Zańnyń 34-babynyń 2-tarmaǵyna sáıkes kásipshilik balyq aýlaý jaǵalaýda jáne teńizde aýlaý arqyly júzege asyrylady.
Jaǵalaýda aýlaý bekitilip berilgen balyq sharýashylyǵy sý aıdyndarynda jáne (nemese) ýchaskelerinde, uıyqtarda (uıyqtyq ýchaskelerinde) júzege asyrylady.
Teńizde aýlaý bekitilip berilgen ýchaskeler sheginen tys sý aıdyndarynyń (teńizderdiń, kólderdiń) ashyq bóliginde júzege asyrylady.
13. Jergilikti atqarýshy organ belgileıtin rekreasııalyq balyq aýlaý aımaqtarynda kásipshilik balyq aýlaýǵa jol berilmeıdi.
14. Zańnyń 35-babynyń 1-tarmaǵyna sáıkes kásipshilik balyq aýlaý quqyǵy jeke jáne zańdy tulǵalarǵa:
1) ruqsat;
2) jergilikti atqarýshy organmen balyq aýlaýǵa jasasqan sharty bolǵan kezde beriledi.
15. Keme kapıtany, brıgadır, zvenevoı nemese kásipshilik balyq aýlaý kezindegi jaýapty tulǵa, kemeniń bortynda, sonymen qosa balyq kásipshilik ýchaskesinde:
ruqsatty;
balyq sharýashylyǵy sýbektisi nemese janýarlar dúnıesin paıdalanýshy qolymen bekitilgen jáne aýmaqtyq bólimshesiniń mórimen kýálandyrylǵan, tigilgen jáne nómirlengen kásipshilik jýrnaldy ózderimen birge alyp júredi.
16. Kásipshilik balyq aýlaýdy júzege asyratyn tulǵalar ár aýlanymdy, kásipshilik jýrnalyna aýlaý kezinde memlekettik ınspektordyń belgisin aýlanǵan kúni tirkeıdi.
17. (normatıvtik quqyqtyq aktilerin memlekettik tirkeý tiziminde № 6196 tirkelgen) Qazaqstan Respýblıkasy Aýyl sharýashylyǵy mınıstriniń 2010 jylǵy 19 naýryzdaǵy № 185 «Balyq resýrstaryn jáne basqa da sý janýarlaryn aýlap alý, sý aıdynyndaǵy kásipshilik jaǵdaı, berilgen joldamalar týraly málimetterdi ýákiletti organǵa usyný erejesin bekitý týraly» buıryǵymen belgilengen tártippen jáne merzimde, aýmaqtyq bólimshege balyq resýrstaryn jáne basqa da sý janýarlaryn aýlaý, sý aıdynyndaǵy kásipshilik jaǵdaı, berilgen jolqujattar týraly málimetter janýarlar dúnıesin paıdalanýshymen beriledi.
4. Áýesqoılyq (sporttyq) balyq aýlaý tártibi
18. Áýesqoılyq (sporttyq) balyq aýlaý – bir-birlep aýlaýǵa ǵana (kásipshilik emes aýlaý quraldary) múmkindik beretin aýlaý quraldarymen júzege asyrylatyn, sporttyq jáne estetıkalyq qajettilikterdi qanaǵattandyrý, sporttyq jarystardy ótkizý maqsatynda, sondaı-aq aýlap alynǵan ónimdi jeke tutyný úshin balyq resýrstaryn jáne basqa da sý janýarlaryn aýlaý.
19. Áýesqoılyq (sporttyq) balyq aýlaý bir balyq aýlaýshyǵa bes danadan aspaıtyn ilmekteri bar qarmaqtardyń barlyq júıelerimen jáne ataýlarymen (jyltyraýyq, qarmaq, jyrtqysh balyqtardy aýlaýǵa arnalǵan qarmaqtar, spınnıngter), sý asty ańshylyǵyna arnalǵan qarýmen, sondaı-aq bir balyq aýlaýshyǵa úsh danadan aspaıtyn shaıandar men basqa da sý janýarlaryn aýlaýǵa arnalǵan arnaıy aspaptarmen, qaqpandarmen jáne sekrettermen júrgiziledi.
Arnaıy qurylatyn aspaptar men sý asty ańshylyǵyna arnalǵan qarý halyq demalatyn aımaqtan tysqary arnaıy bólingen jerlerde, sonymen qatar janýarlar dúnıesin paıdalanýshymen belgilengen arnaıy oryndarda, bekitilip berilgen balyq sharýashylyǵy sý aıdyndarynda jáne (nemese) ýchaskelerinde rekreasııalyq balyq aýlaý úshin paıdalanylady.
20. Balyq sharýashylyǵy sý aıdyndarynyń jáne (nemese) ýchaskeleriniń rezervtik qorynda áýesqoılyq (sporttyq) balyq aýlaý bir balyqshyǵa bir shyqqanda bes kılogrammǵa deıin aqysyz qandaı da bir ruqsatsyz júzege asyrylady.
Balyq sharýashylyǵy sý aıdyndarynyń jáne (nemese) ýchaskeleriniń rezervtik qorynda áýesqoılyq (sporttyq) balyq aýlaý bir balyqshyǵa bir shyqqanda bes kılogrammnan astam aqyly túrde jergilikti atqarýshy organdarymen berilgen ruqsat boıynsha júzege asyrylady.
21. Bekitilip berilgen balyq sharýashylyǵy sý aıdyndarynda jáne (nemese) ýchaskelerinde áýesqoılyq (sporttyq) balyq aýlaý jeke adamdarǵa janýarlar dúnıesin paıdalanýshymen berilgen joldamasyna sáıkes olardyń aýyzsha jáne jazbasha ótinishteri boıynsha júzege asyrylady.
22. Balyq aýlaýshy áýesqoılyq (sporttyq) balyq aýlaýdy júzege asyrý kezinde ózimen birge:
1) joldama (bekitilip berilgen balyq sharýashylyǵy sý aıdyndarynda jáne (nemese) ýchaskelerinde);
2) ruqsat (balyq sharýashylyǵy sý aıdyndarynyń jáne (nemese) ýchaskeleriniń rezervtik qorynda bes kılogrammnan astam balyq jáne basqa da sý janýarlaryn aýlaý kezinde);
3) jeke basty kýálandyratyn qujat bolady.
5. Ǵylymı-zertteý úshin aýlaý tártibi
23. Ǵylymı-zertteý úshin aýlaý – janýarlar dúnıesiniń jaı-kúıin baǵalaý jóninde ǵylymı zertteýler júrgizý maqsatynda balyq resýrstaryn jáne basqa da sý janýarlaryn aýlaý.
24. Zańnyń 34-babynyń 4-tarmaǵyna sáıkes buryn janýarlar dúnıesiniń jaı-kúıin baǵalaý júrgizilmegen sý aıdyndarynda jáne (nemese) ýchaskelerinde janýarlardy alyp qoıý lımıtinen tys ǵylymı-zertteý úshin aýlaý aýlaýǵa jol beriledi.
25. Ǵylymı-zertteý úshin aýlaý kásipshilik jýrnalynda aýlaýdyń ýaqyty men orny, qoldanylǵan aýlaý quraldary kórsetile otyryp belgilenedi. Kásipshilik jýrnalda balyq aýlaýdy júrgizýge jaýapty adamdar týraly derekter jáne osy kvotany odan ári paıdalaný jónindegi aqparat ta kórsetiledi.
26. Vedomstvomen jáne (nemese) onyń aýmaqtyq bólimshesimen kelisim boıynsha ǵylymı-zertteý jumystarynyń baǵdarlamasy sheńberinde ǵylymı uıymdar:
1) zertteý jumystaryn júrgizýdiń kúntizbelik jospary men kestesin bekitedi;
2) sý aıdyndary jáne (nemese) ýchaskeleri men teńiz sharshylary bólinisinde aýlaý ýchaskeleriniń tizbesin belgileıdi;
3) stansııalar toryn nemese tordy jáne traldy ornatýdyń nemese batyrylǵan aýdyń sanyn, ornatýdy jáne batyrýdy júrgizýdiń ýaqyty men ornyn, paıdalanylatyn aýlaý jáne júzý quraldarynyń úlgisin, túrin jáne sanyn, aýlaý tásilderin aıqyndaıdy.
27. Ǵylymı-zertteý úshin aýlaý jergilikti atqarýshy organmen nemese vedomstvomen berilgen ruqsat negizinde ruqsat etilgen balyq aýlaý quraldarymen jyldyń kez kelgen ýaqytynda júzege asyrylady.
28. Balyq aýlaýǵa tyıym salynǵan kezeńde, sondaı-aq tyıym salynǵan aýlaý quraldarymen ǵylymı-zertteý úshin aýlaýdy júzege asyrýǵa aýmaqtyq bólimshesi ókiliniń qatysýymen jáne júrgizilgen aýlaý nátıjeleri kórsetilgen jeke akt (erkin nysanda) toltyrylǵan kezde jol beriledi.
29. Bekitilip berilgen balyq sharýashylyǵy sý aıdyndarynda jáne (nemese) ýchaskelerinde ǵylymı-zertteý úshin aýlaý osy sý aıdyny jáne (nemese) ýchaskesi bekitilgen berilgen janýarlar dúnıesin paıdalanýshy usynatyn servıtýt sheńberinde júzege asyrylady.
30. Ǵylymı-zertteý úshin aýlaý sheńberinde balyq resýrstaryn jáne basqa da sý janýarlaryn alyp qoıý kvotasyn ǵylymı uıymnan ózge jeke nemese zańdy tulǵalarǵa bepýine jol berilmeıdi.
31. Ǵylymı-zertteý uıymynyń ǵylymı kvotany paıdalanýy týraly aqparat ǵylymı-zertteý úshin aýlaýdy júrgizýge baılanysty barlyq jumystar aıaqtalǵannan keıin ǵylymı-zertteý úshin aýlaýǵa ruqsat alǵan jerge beriledi.
6. Baqylaý úshin aýlaý tártibi
32. Baqylaý úshin aýlaý – balyq resýrstaryn jáne basqa sý janýarlaryn ıhtıofaýnanyń jaı-kúıin baqylaý, balyq resýrstaryn jáne basqa da sý janýarlarynyń ósimin molaıtý tıimdiligin, shabaqtardyń ónimdiligin, sý aıdyndaryndaǵy balyq ónimdiligin aıqyndaý maqsatynda aýlaý.
33. Baqylaý úshin aýlaýdy ruqsatsyz aýmaqtyq bólimshesi:
1) memlekettik tapsyrysty júzege asyrý sheńberinde sý aıdyndaryna balyq jiberý boıynsha usynys daıyndaý;
2) bıologııalyq materıaldyń túri jáne kásipshilik aýlanǵan balyqtardyń mólsheri, salmaǵy, jasy jáne jynystyq araqatynasy jóninde jınaý;
3) ýyldyryqtanýdyń kóship qonýyn jáne negizgi qundy balyq túrleriniń ýyldyryq shashýy, kóship qoný merzimi, ýyldyryqtaný tabynynyń quramy, óndirilýshilermen ýyldyryq shashý ornyn toltyrý dárejesi, merzimi jáne ýyldyryq shashý sıpaty jáne ýyldyryq shashý tabynynyń jalpy baǵasyn saraptaıtyn materıaldardy jınaý;
4) kásipshilik aýdandarynda kezdeısoq aýlanym týraly materıaldar jınaý, jas balyqtardyń negizgi aýdandaryndaǵy serýendeý oryndaryn esepteý;
5) balyqtardyń qyrylýynyń aldyn alý jáne boldyrmaý sharalaryn ázirleý, balyq qyrylý qaýpi bar sý aıdyndaryn (ýchaskelerin), balyq qystaıtyn shuńqyrlardyń temperatýralyq jáne gıdrohımııalyq rejımin, balyq qystaıtyn shuńqyrlardyń tolý dárejesi, qystaý ornynyń merzimin, negizgi qundy balyq túrleriniń qystaý kezindegi júrisin jáne jaǵdaıyn baqylaý;
6) balyq resýrstarynyń jáne basqa da sý janýarlarynyń qyrylý anyqtalǵan jaǵdaıda olardyń aldyn alý sharalaryn ázirleý;
7) balyq resýrstaryn jáne basqa da sý janýarlaryna keltirilgen zııannyń kólemin anyqtaý jáne onyń ornyn toltyrý boıynsha talap qoıý;
8) balyq aýlaý rejımin jetildirý boıynsha usynystar daıyndaý;
9) balyq sharýashylyǵy sý aıdyndarynda jáne (nemese) ýchaskelerinde túrli óndiristik jumystardy jáne qurylystardy, kásiporyndardy, basqa da obektilerdiń josparlanǵan qurylysy men eksplýatasııalaý balyq resýrstaryna jáne basqa da sý janýarlaryna áser etýin baǵalaý maqsatynda júzege asyrady.
34. Baqylaý úshin aýlaý jumys josparyna, aýmaqtyq bólimshesiniń basshysy baqylaý úshin aýlaýdy júrgizý kestesine sáıkes, vedomstvomen keliskennen keıin júzege asyrylady.
35. Baqylaý úshin aýlaý tyıym salynǵan aýmaqtar men tyıym salynǵan kezeńderdi qosa alǵanda, kez kelgen balyq sharýashylyǵy sý aıdynynda jáne (nemese) ýchaskesinde júrgiziledi.
36. Bekitilip berilgen balyq sharýashylyǵy sý aıdyndarynda jáne (nemese) ýchaskelerinde baqylaý úshin aýlaý balyq sharýashylyǵy sý aıdyny jáne (nemese) ýchaskesi bekitilip berilgen sharýashylyǵy sýbektisine baqylaý úshin aýlaý júrgiziletin jer men ýaqyt habarlanǵannan keıin janýarlar dúnıesin paıdalanýshy usynatyn servıtýt sheńberinde júzege asyrylady.
37. Árbir baqylaý úshin aýlaý nátıjeleri balyq resýrstaryn jáne basqa sý janýarlaryn aýlaýdy esepke alý jýrnalynda kórsetiledi jáne baqylaý úshin aýlaýdy júrgizgen adamdar, baqylaý úshin aýlaýǵa qatysqan balyq sharýashylyǵy sýbektileriniń ókilderi týraly málimetter, aýlaý ótkizilgen jer men ýaqyt; qoldanylǵan aýlaý quraldary; túrleri boıynsha aýlanǵan balyqtyń sany (danamen jáne kılogrammen), sonymen qatar, maqsattary jáne nátıjeleri aktimen (erkin nysanda) resimdeledi. Aktide (erkin nysanda) zerttelgen balyqty esepten shyǵarý jáne janýarlar dúnıesin paıdalanýshyǵa nemese ǵylymı uıymǵa berý týraly aqparat kórsetiledi.
Baqylaý úshin aýlaýdy júzege asyrý ornynda tikeleı akti (erkin nysanda) qurylady jáne baqylaý úshin balyq aýlaýdy júzege asyrýshy tulǵalar, sondaı-aq balyq sharýashylyǵy sý aıdyndary jáne (nemese) ýchaskeleri bekitilgen janýarlar dúnıesin paıdalanýshylardyń ýákilimen (bekitilgen balyq sharýashylyǵy sý aıdyndaryn jáne (nemese) ýchaskelerinde baqylaý úshin aýlaý júrgizý kezinde) qol qoıylady.
Paıdalanýǵa jáne óńdirilýge jaramsyz balyq zarttelgennen keıin kómý arqyly joıylady.
Paıdalanýǵa jáne óńdirilýge jaramdy balyq zarttelgennen keıin balyq sharýashylyǵy sý aıdyny jáne (nemese) ýchaskesi bekitilgen janýar dúnıesin paıdalanýshyǵa beriledi, al rezervtik qordaǵy balyq sharýashylyǵy sý aıdyndarynan jáne (nemese) ýchaskelerden baqylaý úshin aýlaý júrgizilgen kezde balyq ǵylymı mekemelerge zertteý úshin beriledi.
38. Janýarlar dúnıesin paıdalanýshy nemese ózge de jeke jáne zańdy tulǵalarǵa berilgen baqylaý úshin aýlaý júrgizý kezinde alynǵan balyq Salyq kodeksiniń 501-babyna sáıkes janýarlar dúnıesin paıdalanǵany úshin tólemaqy engizedi.
7. Melıoratıvtik aýlaý tártibi
39. Melıorasııalyq aýlaý – jappaı aýlaýdy, arzan baǵalanatyn balyqtar túrlerin aýlaýdy, qyrylý qaýpi bar sý aıdyndaryndaǵy jáne (nemese) ýchaskelerindegi aýlaýdy qosa alǵanda, sý aıdyndarynyń balyq ónimdiligin arttyrýǵa, balyq resýrstaryn jáne basqa da sý janýarlaryn saqtaýǵa jáne olardyń mekendeý ári kóbeıý jaǵdaılaryn jaqsartýǵa baǵyttalǵan.
40. Balyqtyń jappaı qyrylýyna jáne mundaı qaterdi sý obektilerinde balyq sharýashylyǵy maqsatyndaǵy aǵymdaǵy melıorasııa júrgizý jolymen joıýdyń múmkin bolmaýyna sózsiz ákep soqtyratyn balyqtyń qyrylý qateri tóngen jaǵdaıda aýmaqtyq bólimsheleri balyqty melıoratıvtik aýlaý týraly sheshimdi jergilikti atqarýshy organdardyń, qoǵamdyq uıymdardyń, qorshaǵan orta jáne sý resýrstary salasyndaǵy ýákiletti organnyń ókilderinen aýmaqtyq bólimshesi quratyn komıssııanyń (budan ári – komıssııa) usynymy negizinde qabyldanady.
41. Balyq sharýashylyǵy sý aıdyndarynyń jáne (nemese) ýchaskeleriniń rezervtik qorynda qaýip-qater faktilerdi paıda bolýy anyqtalǵan jaǵdaıda, Komıssııa melıoratıvtik aýlaýdy júrgizetin balyq sharýashylyǵy sýbektisin nemese janýarlar dúnıesi paıdalanýshysyn aıqyndaıdy.
Melıoratıvtik aýlaý júrgizýge usynylǵan sý aıdynynda jáne (nemese) ýchaskede rezervtik qoryna jaqyn ornalasqan sý aıdynynda jáne (nemese) ýchaskesinde balyq sharýashylyǵyn júrgizýmen aınalysatyn Balyq sharýashylyǵy sýbektisine nemese janýarlar dúnıesin paıdalanýshysyna artyqshylyq beriledi.
Bekitilgen sý aıdyndarynda jáne (nemese) ýchaskelerinde melıoratıvtik aýlaý janýarlar dúnıesin paıdalanýshylarmen paıdalanýǵa ruqsat etilgen balyq aýlaý quraldarymen júrgiziledi.
Ǵylymı usynym boıynsha melıoratıvtik aýlaý retinde júzege asyrylatyn jappaı aýlaý kezinde kez kelgen aýlaý quraldary, onyń ishinde tizbege engizilmegender de paıdalanylady.
42. Melıoratıvtik aýlaý týraly sheshim aýmaqtyq bólimshe basshysynyń nemese onyń ornyndaǵy adamnyń buıryǵymen rásimdeledi.
43. Aýmaqtyq bólimsheniń buıryǵynyń negizinde balyq sharýashylyǵy sýbektisimen nemese janýarlar dúnıesin paıdalanýshymen jergilikti atqarýshy organ arasynda (normatıvtik quqyqtyq aktilerin memlekettik tirkeý tiziminde № 10229 tirkelgen) «Balyq aýlaý jáne balyq sharýashylyǵyn júrgizý sharttarynyń úlgilik nysanyn bekitý týraly» Qazaqstan Respýblıkasy Aýyl sharýashylyǵy mınıstriniń 2015 jylǵy 15 qańtardaǵy № 18-04/16 buıryǵymen belgilengen nysan boıynsha shart jasalady jáne ruqsat beriledi.
44. Melıoratıvtik aýlaý aýmaqtyq bólimshesi ókilderiniń qatysýymen, melıoratıvtik aýlaý týraly akt (erkin nysanda) toltyrý jáne balyqty aýlap alý týraly málimetter nátıjeleri kásipshilik jýrnalǵa engizý arqyly júzege asyrylady.
45. Qyrylýǵa qarsy is-shara retinde júzege asyrylatyn melıoratıvtik aýlaý jolymen alynǵan balyq kólemi balyq aýlaýdyń jalpy lımıtine kirmeıdi.
8. О́simdi molaıtý maqsatyndaǵy aýlaý tártibi
46. О́simdi molaıtý maqsatyndaǵy aýlaý – balyq resýrstaryn jáne basqa sý janýarlaryn olardyń ósimin molaıtý maqsatynda aýlaý.
47. Memlekettik tapsyrys sheńberinde júzege asyrylatyn ósimdi molaıtý maqsatyndaǵy aýlaý kez kelgen balyq sharýashylyǵy sý aıdynynda jáne (nemese) ýchaskesinde, jyldyń jáne táýliktiń kez kelgen ýaqytynda, paıdalanýǵa ruqsat etilgen barlyq kásipshilik jáne kásipshilik emes balyq aýlaý quraldary men tásilderiniń túrlerimen júrgiziledi.
48. Jeke jáne zańdy tulǵalardyń talabymen júzege asyrylatyn ósimdi molaıtý maqsatyndaǵy aýlaýyna ruqsat qajet.
9. Eksperımenttik aýlaý tártibi
49. Eksperımenttik aýlaý – balyq resýrstaryn jáne basqa sý janýarlaryn balyq aýlaý quraldary men tásilderiniń jańa túrleriniń tıimdiligin zerdeleý maqsatynda aýlaý.
50. Eksperımenttik aýlaý jergilikti atqarýshy organdarymen berilgen bıologııalyq negizdemege sáıkes nemese ruqsattyń negizinde arnaıy ǵylymı uıymdarmen júrgiziledi.
51. Eksperımenttik aýlaý ruqsatta kórsetilgen tásildermen jáne quraldarymen júzege asyrylady.
52. Eksperımenttik aýlaý nátıjeleri aktilinedi (erkin nysanda) jáne onyń qorytyndysy boıynsha vedomstvoǵa balyq aýlaý quraldary men tásilderiniń jańa túrleriniń paıdalaný tıimdiligi týraly usynys engizedi.
Balyq aýlaý qaǵıdalaryna qosymsha
Balyq resýrstary men basqa da sý janýarlarynyń kásipshilik mólsheri
Aral-Syrdarııa basseıni úshin
1. Shardara sý qoımasy jáne Shardara sý qoımasynan О́zbekstan Respýblıkasynyń memlekettik shekarasyna deıingi Syrdarııa ózeni
Aýlaýǵa ruqsat etilgen balyq resýrstary men basqa da sý janýarlarynyń santımetrlik (budan ári – sm) mólsheri (budan ári mátin boıynsha – kásipshilik balyq mólsheri): sazan – 35, kókserke – 38, aq amýr jáne dóńmańdaı – 45, jaıyn – 65, patshabalyq – 17, qylyshbalyq – 31, aqmarqa – 31, aınakóz –18.
2. Shardara sý qoımasynan Qyzylorda oblysynyń ákimshilik shekarasyna deıingi Syrdarııa ózeni, Ońtústik Qazaqstan oblysy shegindegi balyq sharýashylyǵy sý aıdyny jáne (nemese) ýchaskesi jáne Keles, Arys ózenderi
Kásipshilik balyq mólsheri, sm: sazan – 30, kókserke – 38, aınakóz – 18, patshabalyq – 17, aqmarqa jáne qylyshbalyq – 31, aq amýr jáne dóńmańdaı – 45, jaıyn – 65.
3. Úlken, Kishi Aral teńizi jáne Qyzylorda oblysy shegindegi Syrdarııa ózeni
Kásipshilik balyq mólsheri, sm: sazan – 35, aqmarqa – 31, kókserke – 38, taban – 20, aral tortasy – 17.
4. Qyzylorda oblysynyń shegindegi balyq sharýashylyǵy sý aıdyny jáne (nemese) ýchaskesi
Kásipshilik balyq mólsheri, sm: sazan – 32, kókserke – 38, taban – 20, torta – 17, aqmarqa – 31, aq amýr jáne dóńmańdaı – 45.
Balqash-Alakól basseıni úshin
1. Balqash kóli, saǵadan Qapshaǵaı sý qoımasyna deıingi Ile ózeni, Qaratal, Lepsi, Aqsý, Aıagóz ózenderi, osy ózenderdiń barlyq jylǵalary men salalaryn qosa alǵandaǵy atyraýlyq jáne jaıylymdyq balyq sharýashylyǵy sý aıdyndary jáne (nemese) ýchaskeleri
Kásipshilik balyq mólsheri, sm: sazan – 40, taban – 19, aqmarqa – 37, kókserke – 37.
2. Qapshaǵaı sý qoımasy jáne Qapshaǵaı sý qoımasynan Qytaı Halyq Respýblıkasymen (budan ári – QHR) Qazaqstan Respýblıkasynyń Memlekettik shekarasyna deıingi Ile ózeni
Kásipshilik balyq mólsheri sm: taban – 26, sazan – 40, aq amýr – 55, jaıyn – 80, kókserke – 38, aqmarqa – 37, dóńmańdaı – 70.
3. Alakól kólder júıesi
Kásipshilik balyq mólsheri sm: kókserke – 37, sazan – 43.
Ertis basseıni úshin
1. Buqtyrma sý qoımasy, Zaısan kóli jáne Zaısan kóline quıatyn jerden QHR Qazaqstan Respýblıkasynyń Memlekettik shekarasyna deıingi Ertis ózeni
Kásipshilik balyq mólsheri sm: sazan – 45, kókshubar balyq – 19, kókserke – 38, shortan – 32.
2. Shúlbi sý qoımasy
Kásipshilik balyq mólsheri sm: sazan – 36, kókserke – 38.
3. Pavlodar oblysynyń shegindegi balyq sharýashylyǵy
sý aıdyndary jáne (nemese) ýchaskeleri jáne Ertis ózeni
Kásipshilik balyq mólsheri, sm: sazan – 32, kókserke – 32.
Esil basseıni úshin
Aqmola jáne Soltústik Qazaqstan oblystarynyń
shegindegi balyq sharýashylyǵy sý aıdyndary jáne (nemese) ýchaskeleri
Kásipshilik balyq mólsheri, sm: shortan – 42.
Nura-Sarysý basseıni úshin
1. Nura-Sarysý basseıniniń balyq sharýashylyǵy sý aıdyndary jáne (nemese) ýchaskeleri
Kásipshilik balyq mólsheri, sm: tuqy (sazan) – 32, kókserke – 35, ońǵaq – 20, shortan – 35 kásipshilik aýlaý úshin jáne 25 áýesqoılyq (sporttyq) aýlaý úshin, aq amýr – 45, dóńmańdaı – 45, kókshubar balyq, býdan aqsaha, paıdabalyq – 22.
2. Qaraǵandy jáne Pavlodar oblysynyń shegindegi Qanysh Sátpaev atyndaǵy arna
Kásipshilik balyq mólsheri, sm: tuqy (sazan) – 32, kókserke – 35, shortan – 35 kásipshilik aýlaý úshin jáne 25 áýesqoılyq (sporttyq) aýlaý úshin, aq amýr – 45, dóńmańdaı – 45, ońǵaq – 20.
Tobyl-Torǵaı basseıni úshin
Qostanaı jáne Aqtóbe oblystarynyń shegindegi balyq sharýashylyǵy sý aıdyndary jáne (nemese) ýchaskeleri
Kásipshilik balyq mólsheri, sm:
1) Qostanaı oblysynyń balyq sharýashylyǵy sý aıdyndary jáne (nemese) ýchaskeleri úshin (Joǵarǵy Tobyl jáne Qaratomar sý qoımalaryn qospaǵanda): sazan (tuqy) – 26, kókserke – 45, taban – 20, ońǵaq – 20, shortan – 45, nálim – 45, kókshubar – 16, kókshubar balyq – 22, paıdabalyq – 26, aqsaha – 30, shaıan – 9;
2) Joǵarǵy-Tobyl jáne Qaratomar sý qoımalary úshin: sazan (tuqy) – 45, kókserke – 45, taban – 22, ońǵaq – 20, shortan – 45, nálim – 45, kókshubar – 16, kókshubar balyq – 22, paıdabalyq – 26, aqsaha – 30, shaıan – 9;
3) Aqtóbe oblysy balyq sharýashylyǵy sý aıdyndary jáne (nemese) ýchaskeleri úshin: shortan – 40, taban – 19, tuqy (sazan) – 33, móńke – 21, aqqaıran – 24, torta – 19, ońǵaq – 17, kókserke – 37, jaıyn – 53, aqmarqa – 40, nálim – 45, shaıan – 9.
Jaıyq-Kaspıı basseıni úshin
1. Kaspıı teńiziniń qazaqstandyq sektory
Kásipshilik balyq mólsheri, sm: soltústik Kaspııdegi kókserke – 37, ortańǵy Kaspııdegi teńiz kókserkesi – 30, Kaspııdiń shyǵys bóliginen basqa sazan – 40, Kaspııdiń shyǵys bóligindegi sazan – 30, taban – 24, qarakóz – 17, qyzylqanat shubar balyq – 17, maıshabaq – 20, bozańqy – 14, aq amýr – 7